काठमाडौं । गुरुपूर्णिमा अर्थात वेदव्यास जयन्ती आज मनाईँदै छ । आफूलाई गायत्री मन्त्र, वेद मन्त्र वा दीक्षा दिने र शिक्षा प्रदान गर्ने गुरुजनप्रति सम्मान भाव प्रकट गर्दै विविध कार्यक्रमका साथ गुरुपूर्णिमा मनाइदै छ ।
वैदिक धर्मग्रन्थ महाभारतका रचयिता वेद व्यासको जन्मजयन्तीका अवसरमा असार शुक्ल पूर्णिमाको दिन गुरु पूर्णिमा मनाउने वैदिककालदेखिको प्रचलन छ ।
गुरु पूर्णिमाको दिन गुरुको सम्मानमा शिष्यहरूले विभिन्न मिष्ठान्न भोजन गराउने र विद्यालय तथा विभिन्न शैक्षिक संघसंस्थामा विविध कार्यक्रमको आयोजना गरी गरुहरुप्रति सम्मान प्रकट गर्ने गरिन्छ ।
