काठमाडौं । एक महिना सम्म चल्ने स्वस्थानी व्रत कथा आज पौष शुक्लपूर्णिमादेखि सुरु भएको छ । स्वस्थानी व्रत पौष शुक्लपूर्णिमादेखि माघ शुक्लपूर्णिमासम्मगरी एक महिना सम्म चल्दछ ।
हिन्दु वैदिक सनातन धर्मावलम्बीले आज देखि घर–घरमा विधिपूर्वक स्वस्थानी व्रत एवं कथा वाचन सुरु गरेर पूजा आराधना सुरु गर्छन् ।
बिहान माघ स्नान गरी मध्याह्नकालमा महादेवको पूजा गरि बेलुकी स्कन्द पुराणको केदार खण्ड अन्तर्गत माघ माहात्म्यको कुमार अगस्त्यबीच संवाद भएको स्वस्थानी व्रत कथा सुन्ने, सुनाउने परम्परा छ ।
स्वस्थानीको पहिलो दिन आज बिहान साँखुस्थित शालीनदीमा माघस्नान गर्नेहरूको भीड लागेको छ ।
