काठमाडौं । इजरायलमा रहेका नेपालीहरु सुरक्षित रहेको इजरायलस्थित नेपाली राजदूतावासले जनाएको छ । दूतावासले प्रेस विज्ञप्ति जारी गर्दै इजरायल माथि इरानले हालै गरेको आक्रमणका कारण कुनै नेपालीलाई असर नगरेको जनाएको छ ।
इरानले इजरायलका विभिन्न क्षेत्रमा मिसाइल तथा ड्रोन आक्रमण गरेपछि त्यहाँ रहेका नेपालीहरुको अवस्थाका बिषयमा नेपालमा चाँसो र चिन्ता ब्यक्त भईरहेका बेला दूतावासले प्रेस विज्ञप्ति जारी गर्दै त्यहाँ रहेका नेपालीहरू सुरक्षित रहेको जानकारी गराएको हो ।
इरानले इजरायलका विभिन्न क्षेत्रमा मिसाइल तथा ड्रोन आक्रमण गरेको भएपनि सो आक्रमणबाट यहाँ बसोबास गर्ने नेपाली नागरिकहरुलाई कुनै असर गरेको छैन दूतावासको विज्ञप्तिमा भनिएको छ त्यहँ रहेका सबै नेपालीहरु सकुशल अवस्थामा रहेको व्यहोरा सम्बन्धित सबैको जानकारीका लागि अनुरोध गरिन्छ ।
साथै दुतावासले दूतावासका द्वितीय सचिव कुमारबहादुर श्रेष्ठलाई ०५२८२८९३०० मा र सहचारी सञ्जयकुमार साहलाई ०५४५५८२०७७ मा कुनै समस्या परेको खण्डमा सम्पर्क गर्न समेत आग्रह गरेको छ ।
