काठमाडौं । काठमाडौं महानगरपालिका पूर्वमेयर पीएल सिंहको गय राती निधन भएको छ ।
काठमाडौं महानगरपालिकाले सिंहको निधनको शोकमा आज शोक बिदा दिएको छ । महानगरपालिकाका अनुसाार आज काठमाडौं महानगरपालिका र मातहतका कार्यालयहरुमा अत्यावश्यक बाहेकका सबै सेवा बन्द हुनेछन् ।
बिक्रम संवत २०४९ सालमा काठमाडौं नगरपालिकाको मेयरमा निर्वाचित सिंहको ८८ वर्षको उमेरमा गएराति १ बजे निधन भएको थियो ।
स्वर्गिय सिंहको पार्थिव शरीरलाई आज बिहान ११ बजेसम्म उनको निवास चाक्सीबारीमा श्रद्धाञ्जलीका लागि राखिने र दिउँसो १२ बजेदेखि २ बजेसम्म कांग्रेस केन्द्रीय कार्यालय सानेपामा अन्तिम श्रद्धाञ्जलीका लागि राखिने छ ।
प्रिवार श्रोतका अनुसार उनको आजै कंकेश्वरी मन्दिरनेर रहेको लख तीर्थमा अन्त्येष्टि गरिने छ ।
