काठमाडौं । अमेरिकामा अवैधानिक रुपमा बसिरहेको आरोपमा निकालिएका १० जना नेपालीहरूलाई नेपाल फिर्ता पठाइको छ । अमेरिकाले उनिहरुलाइ आज बिहान काठमाडौं ल्याएर छोडिदिएको छ।
ती नेपाली नागरिकलाइ बोकेर ल्याएको चार्टर विमान आज बिहान १० बजे त्रिभुवन अन्तर्राष्ट्रिय विमानस्थलमा अवतरण गरेको थियो । अमेरिकाको न्यु ह्याम्पसर राज्यको पोर्टसमाउथ अन्तर्राष्ट्रिय विमानस्थलबाट उक्त विमान हिजो काठमाडौंका लागि फ्लाइट भरेको थियो ।
दोनाल्ड ट्रम्पको अवैधानिक आप्रवासी निष्कासन गर्ने नीति अनुसार उनीहरूलाई नेपाल छोडिएको हो । आज १० जना सहित अमेरिकाले ३७ जना अवैध आप्रवासी नेपालीलाई अमेरिकाले देश निकाला गरेको छ ।
