काठमाडौं । पूर्वराजा ज्ञानेन्द्र शाह काठमाडौं आइपुग्दा हजारौं जनताले स्वागत गरेका छन ।
पोखराबाट आइतबार दिउँसो त्रिभुवन अन्तर्राष्ट्रिय विमानस्थल अवतरण गर्ने कार्यक्रम संगै पूर्वराजा शाहका हजारौं समर्थकहरु बिमानस्थल लगायत काठमाडौंका विभिन्न स्थानमा स्वागतका लागि भेला भएका थिए।
विमानस्थलबाट बाहिरिने क्रममा विमानस्थलको मुख्यद्वारमा स्वागत गर्न जम्मा भएका हजारौ समर्थकलाई पूर्वराजा शाहले हात हल्लाउँदै अभिवादन गरेका थिए।
भिड ब्यवस्थापनका लागि परिचालन भएका प्रहरीले धेरै हद सम्म लचकता अपनाएर भिड ब्यवस्थापन गरेको देखिन्थ्यो। काठमाडौंका विभिन्न स्थानमा ठुलो संख्यामा प्रहरिको परिचालन गरिएको थियो।
पूर्वराजाका समर्थकहरुले राजालाइ राजगद्दीमा फर्काउने अठोटका साथ पछिल्लो समय आन्दोलन चर्काएका छन। पूर्वराजा शाहले प्रजातन्त्र दिवसको अवसरमा गत सात गते व्यक्त शुभकामना सन्देशमा अब पूनर्बिचार गर्ने बेला भएको बताएपछि उनका समर्थकहरु थप हौसिएको पाइएको छ।
