काठमाडौँ। मार्क कार्नी क्यानडाको लिबरल पार्टीको नेता चयन भएका छन्। पूर्व वित्तमन्त्री क्रिस्टिया फ्रील्यान्डलाई पराजित गर्दै उनी लिबरल पार्टीको नेतामा चयन भएका हुन् । नेपाली समय अनुसार गय राती भएको चुनावमा उनले ८६ प्रतिशत मत प्राप्त गरेका थिए।
पार्टीको नेता चयन संगै उनले आउँदो निर्वाचन सम्म लिबरल पार्टी संगै सरकारको नेतृत्व गर्नेछन्। क्यनडामा आउदो अक्टोबरभित्रै अनिवार्य रूपमा निर्वाचन गर्नुपर्ने सम्वैधानिक ब्यवस्था छ। प्रधानमन्त्री जस्टिन ट्रुडोले पार्टीको नेताबाट राजिनामा दिएका कारण नयाँ नेता छानिएको हो। उनले कार्नीलाई अब सत्ता हस्तान्तरण गर्ने छन।
अमेरिका र क्यानडाबिच उत्पन्न चिसो सम्बन्धलाइ सुधार गर्नु उनका लागि चुनौती रहेको छ। वर्तमान प्रधानमन्त्री ट्रुडोले अंगिकार गरेको नीतिलाइनै नयाँ नेता कार्निले अंगिकार गर्ने अनुमान गरिएको छ ।
