काठमाडौं। पूर्व राजावादी शक्तिहरूद्वारा आह्वान गरिएको प्रदर्शन हिंसात्मक भएपछि शुक्रबार काठमाडौंको तीनकुने क्षेत्र र आसपासमा कर्फ्यू लगाइएको छ।
काठमाडौं जिल्ला प्रशासन कार्यालयले शान्तिनगर पुलदेखि मनोहरा नदी पुलसम्म कर्फ्यू लागू गरेको छ। यसैगरि गौशाला देखि त्रिभुवन अन्तर्राष्ट्रिय विमानस्थलसम्मका क्षेत्रहरू, गैरिधारा, तीनकुने र कोटेश्वर क्षेत्र रहेका छ्न।
जिल्ला प्रशासन काठमाडौंले अवस्था गम्भीर बनेमा कर्फ्यू क्षेत्र विस्तार गरिने जनाएको छ। कर्फ्यू आदेश अपराह्न ४:२५ बजेदेखि राति १० बजेसम्म लागू हुने छ। कर्फ्यु लगाइएका क्षेत्रमा मानिसहरूको आवतजावत, भेला, जुलुस, प्रदर्शन, सभा तथा सडक अवरोध पूर्ण रूपमा प्रतिबन्धित गरिएको छ।
तीनकुने क्षेत्रमा प्रदर्शनकारीहरूले आगजनी र तोडफोड गरेपछि कर्फ्यू लगाउने निर्णय गरिएको जनाइएको छ।सो क्षेत्रमा अहिले नेपाली सेना परिचालन गरिएको छ।
