काठमाडौं । सरकार अनि सत्ता साझेदार दलहरूका बीचमा कुनै नाटकीय परिवर्तन नभए नेपाल राष्ट्र बैंकले अर्को हप्ता भित्रमा नयाँ गभर्नर पाउने छ।
गभर्नर नियुक्तिको लागि उपप्रधान तथा अर्थमन्त्री बिष्णु प्रसाद पौडेलको संयोजकत्वमा गठित तीन सदस्यीय सिफारिस समितिले एक दुई दिन भित्रमा तीन जनाको नाम सिफारिस गर्ने र आउदो हप्ताको बिहिवार सम्म नयाँ गभर्नर नियुक्ति गर्ने योजना बनाइएको छ।
अनुभवी बैंकर ज्ञानेन्द्र ढुंगानालाई नेपाल राष्ट्र बैंकको गभर्नर नियुक्त गरिने सम्भावना उच्च देखिएको छ। यश बिसयमा सत्ता साझेदार दलहरू विशेष गरेर नेपाली काङ्ग्रेस र नेकपा एमालेबीचमा सहमति भैसकेको बताइएको छ।
काङ्ग्रेस सभापति शेर बहादुर देउवा र प्रधानमन्त्री केपी ओलिका बिचमा भएको सहमतिलाई ग्रिन सिग्नल मानेर ढुङ्गानाले नेबिल बैंकको सिइयोबाट राजिनामा दिएको श्रोतको दावी छ। उनले गभर्नर पदम प्रतिस्पर्धा गर्नैका लागि राजिनामा गरेको बताइसकेका छन।
नेपाली काङ्ग्रेस निकट मानिए पनि ढुङ्गाना एमालेले समेत रुचाएको ब्यक्ति भएको बताइन्छ। अहिले प्रतिस्पर्धामा देखिएकाहरु मध्य सत्ता साझेदार ठूला दल नेपाली काङ्ग्रेस र एमाले दुवै दलले रुचाएका ब्यक्ति ढुङ्गाना भएको र उनी प्रतिशप्रधी मध्य अब्बल पनि देखिएको कारण गभर्नरमा नियुक्ति हुने सम्भावना उनकै रहेको श्रोतको दावी छ।
