काठमाडौं । प्रमुख प्रतिपक्षी नेकपा माओवादी केन्द्र, नेकपा एकीकृत समाजवादी सहितको समाजवादी मोर्चा र राजावादीहरूले शुक्रबार काठमाडौंका दुई छुट्टाछुट्टै स्थानमा राखेको प्रदर्शनको कारण जनजीवन प्रभावित बनेको छ।
जिल्ला प्रशासन काठमाडौंले समाजवादी मोर्चालाई भृकुटीमण्डप र राजवादीलाई तीनकुनेमा सभा गर्न अनुमति दिएको छ। दुवै पक्षले सभा अघि निकालेको प्रदर्शनका कारण सवारी संचालनमा अवरोध सृजना भएका कारण जनजीवन प्रभावित बनेको हो।
