काठमाडौँ । अन्तर्राष्ट्रिय क्रिकेट परिषद् (आईसीसी)का अध्यक्ष ग्रेग बाक्र्ले चार दिने भ्रमणका लागि आज नेपाल आउदै छन् । भारतको नयाँ दिल्लीमा आइतबार राति भएको वुमन्स प्रिमियर लिगको फाइनलमा सहभागी भएका अध्यक्ष बार्क आज सोमबार अपराह्न काठमाडौँ आउन लागेका हुन् ।
नेपाल भ्रमणका क्रममा उनले प्रधानमन्त्री पुष्पकमल दाहाल प्रचण्ड, अर्थमन्त्री वर्षमान पुन, युवा तथा खेलकुदमन्त्री विराजभक्त श्रेष्ठ, राष्ट्रिय खेलकुद परिषद् र क्रिकेट सङ्घका पदाधिकारीसँग छलफल गर्ने कार्यक्रम रहको छ ।
अध्यक्ष बार्कलेको नेपाल भ्रमणलाई लिएर क्रिकेट उत्साही देखिएका छन् । अध्यक्ष बार्कलेको नेपाल भ्रमणलाई नेपाली क्रिकेट टिमले पछिल्लो समय हासिल गरेको सफलताको एक कडीको रुपमा हेरिएको छ ।
