काठमाडौं । मुस्लिम धर्मावलम्बीहरूको सवैभन्दा ठूलो पर्व ईद उल फित्र (ईद) आज भब्यताकासाथ मनाइँदै छ ।
ईद पर्वमा अल्लाहका नाममा विशेष नमाज गर्ने इस्लाम परम्परा रहेको छ । महिना दिनसम्म व्रत र प्रार्थना गरेर मनाईने यस पर्वको आज व्रत समाप्त हुन्छ ।
चन्द्रमाको गतिका आधारमा मनाईने यस ईद पर्व चन्द्रमा देखिएपछि त्यसको भोलिपल्ट मनाउने परम्परा रहेको छ ।
यस पर्वमा मुस्लिम धर्मावलम्बीहरूले नयाँ लुगा लगाउने, सेवइबाट बनेको खिर र मिठाई लगायतका खाना खाएर मनाउने प्रचलन रहेकोछ ।
ईदको अवसरमा नेपाल सरकारले आज सार्वजनिक बिदा पनि दिएको छ ।
