काठमाडौं । आफ्नी श्रीमती ममता काफ्ले भट्टलाई बेपत्ता पारेको आशंकामा अमेरिकामा उनका श्रीमान नरेश भट्टलाई प्रहरीले पक्राउ गरेको छ।
पेशाले नर्स ममता हराएको तीन सातासम्म पनि नभेटिएको र खोजी कार्यमा उनका श्रीमान् नरेशले चाँसो नदेखाएको भन्दै प्रहरीले उनका श्रीमान नरेशलाई पक्राउ गरेको हो।
स्थानीय अमेरिकी संचारमाध्यमका अनुसार उनलाई बिहीबार भर्जिनिया प्रहरीले मनासस पार्कस्थित नरेशको घरबाटै पक्राउ गरेको छ। सेभेन न्युजले नरेशलाई प्रहरीले पक्राउ गर्दै गरेको तस्बिर पनि सार्वजनिक गरेको छ।
प्रहरी प्रमुख मारिओ प्रहरीले श्रीमती ममताको हत्यागरी श्रीमान नरेशले लुकाएको हुनसक्ने आशंका गरेको छ ।
आफुले काम गर्ने भर्जिनिया युनिभर्सिटीको प्रिन्स विलियम मेडिकल सेन्टरमा अन्तिमपटक जुलाई २७ मा देखिएकी ममता जुलाई २८ सम्म साथीहरूसँग सम्पर्कमै रहकी भएपनि त्यसपछि बेपत्ता भएकी थिईन ।
ममताकी १ वर्षीया छोरी छन् । उनलाई प्रहरीले सामाजिक संस्थाको जिम्मा लगाएको पनि बताईएको छ।
