काठमाडौं। नेपाली मुलका बिजय पौडेल क्यानाडाको संघीय सांसदको लागि कनजरभेटिभ पार्टीको तर्फबाट ओन्टारियो प्रान्तको हम्बर रिभर ब्ल्याक क्रिक क्षेत्रबाट उम्मेदवारको रूपमा चयन भएका छन्।
आगामी संसदीय निर्वाचनमा निर्वाचित भएको खण्डमा उनले क्यानाडाको संघिय संसदमा निर्वाचित हुने पहिलो नेपाली मूलका सांसदको रुपमा इतिहास रच्नेछन्।
क्यानाडाको मुलधारको राजनीतिमा लामो समय देखि सक्रिय बर्दिया लिल्लाका स्थायी बासिन्दा पौडेलले नेपाली समुदायमा चिर परिचीत छ्न। बिगत १५ वर्ष देखि क्यानाडामा रहदै आएका उनि व्यवसायी समेत हुन् । हाल उनि क्यानाडा नेपाल उद्योग बाणिज्य महासंघका अध्यक्षको भूमिकामा समेत छन।
गत बर्ष यम पी कायल सिबैकका लागि क्यानाडियन हाउस अफ कमनसबाट नेपाल मामिला हेर्नको निमित्त बिशेष सहयोगीको नियुक्ति पाएका उनलाइ क्यानाडाको प्रान्तीय सरकारले कोभिडको समयमा महत्वपूर्ण योगदान पुर्याए बापत रेसपॊनसिबल सीटिजन अवार्ड प्रदान गरेको थियो। साथै उनलाई पील रिजनल पुलिसले पनि कमुनिटी अम्बासडरको रुपमा गत वर्ष नियुक्त गरेको थियो।
सगरमाथा पार्क नामकरण गर्न महत्वपूर्ण भूमिका खेलेका उनलाई नेपाली समुदाय सङ्गै स्थानीय सवैले कुशल नेता र समाजसेवीका रूपमा चिन्दछ्न।
